Apotekið undir Heilsumálaráðið

Í galdandi lóg um Apoteksverkið og heilivág í Føroyum er ásett, at Apoteksverkið er stovnur undir landsstýrinum.

Fyri at greina, hvat aðalráð og hvat landsstýrisfólk hevur ábyrgdina av økinum, verður nú skotið upp, at Apoteksverkið skal verða stovnur undir Heilsu- og innlendismálaráðnum. Sirið Stenberg, landsstýriskvinna í heilsu- og innlendismálum, hevur sent uppskotið til hoyringar.

Samstundis verður ásett, at tað er landsstýrisfólkið í heilsu- og innlendismálum, sum tilnevnir landsapotekaran. Landsapotekarin verður setanarmyndugleiki, tá apotekarar verða settir í fast starv á apotekunum kring landið.