Ráðið vil ikki hava tað sitandi á sær

Ráðið vil ikki hava tað sitandi á sær
Fíggjarmálaráðið vísir aftur, at ráðið hevur skyldina av, at sáttmálasamráðingarnar við Pedagogfelagið eru steðgaðar upp
Ráðið hevur ikki skyldina av, at sáttmálasamráðingarnar við Pedagogfelagið eru steðgaðar upp, sigur Fíggjarmálaráðið
 
27.11.2015 - 13:36

Í gjár boðaði Pedagogfelagið annars frá, at eingin semja er í eygsjón, og tí er í løtuni eingin orsøk at halda fram við samráðingunum.

Drúgva trætan millum Pedagogfelagið og Lønardeildina í Fíggjarmálaráðnum um samsýningina til starvslærarar er vorðin partur av samráðingunum um ein nýggjan sáttmála. Trætan fekk longu í vár ta avleiðing, at 32 námsfrøðilesandi ikki sluppu í starvsvenjing.

- Boðini frá pedagogfelagnum geva eina skeiva mynd av støðuni. Tey lesandi sleppa ikki í starvslæru, ti Pedagogfelagið noktar sínum limum at átaka sær hesa uppgávuna. Tað er ikki Fíggjarmálaráðið, ið forðar fyri starvslæruni hjá teimum lesandi.

Pedagogfelagið hevur higartil ikki tikið av

Í tíðindaskrivi fyrrapartin sigur Fíggjarmálaráðið, at landsstýriskvinnan í fíggjarmálum hevur roynt at fáa Pedagogfelagið at steðga arbeiðsteðginum, í minsta lagi til samráðingarnar millum partarnar vóru lidnar.

Eisini sigur Fíggjarmálaráðið seg hava gingið við til munandi hækking av samsýningini til námsfrøðingar, sum hava starvslesandi. Men Pedagogfelagið hevur higartil ikki tikið av.

- Samráðingarnar hava gingið væl millum partarnar. Fíggjarmálaráðið heldur, at samráðingarnar skulu halda fram við samráðingarborðið, sigur ráðið í tíðindaskrivi fyrrapartin.

Er kopiera
Nýggjastu sendingar í ÚV
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettup
216723
Fríggjadag 20. november
RagnarRokk:Chris Flynn um Dreams of the Disappeared
215804
Hósdag 19. november
RagnarRokk 19.november 2026
216177
Nýggjastu sendingar í SV
Fríggjadag 20. november
Dagur og vika - teknmálstulkað
216714
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565