- Tíðindi, mentan og ítróttur
Løgtingskvinna vil hava revsilógina broytta
Løgtingskvinna vil hava revsilógina broytta
Ættleidd børn yngri enn 18 ár eru ikki javnsett við onnur børn yngri enn 18 ár í revsilógini. Annika Olsen, løgtingskvinna, vil hava lógina broytta
Annika Olsen, løgtingskvinna, legði í gjár uppskot fyri Løgtingið um at broyta revsilógina, so munur ikki verður gjørdur á teimum, sum kynsliga gera seg inn á ættleidd børn ella biologisk børn, sum eru yngri enn 18 ár
02.12.2015 - 08:21
Ættleidd børn yngri enn 18 ár eru ikki javnsett við onnur børn yngri enn 18 ár í revsilógini. Tey, sum hava samlegu við skyldfólk, til dømis við børn, kunnu verða dømd seks ára fongsulsrevsing. Men er talan um ættleidd børn er hámarkið í revsilógini fýra ár.
Annika Olsen, løgtingskvinna, legði í gjár uppskot fyri Løgtingið um at broyta revsilógina, so munur ikki verður gjørdur á teimum, sum kynsliga gera seg inn á ættleidd børn ella biologisk børn, sum eru yngri enn 18 ár.
Sambært uppskotinum hjá Anniku Olsen, løgtingskvinnu, eigur revsiramman at vera hin sama í báðum førum, seks ára fongsulsrevsing.
Er kopiera
Nýggjastu sendingar í ÚV
Týsdag 24. februar
Sjóvinnubankin, Føroya Fiskaexport og Føroya Ferðamannafelag verða stovnað
204755
Nýggjastu sendingar í SV
