Fiskimenn forvinna meira

Fiskimenn fáa meira burturúr í ár enn í fjør, vísa nýggjastu tølini hjá Hagstovuni. Higartil í ár eru hýrurnar 20 prosent størri enn í fjør.

Men fiskimenninir eru 12 færri enn í fjør. Higartil í ár eru hýrurnar 823 mió. kr., 136 milliónir meira enn í fjør. Sambært Hagstovuni eru fleiri løntakarar í Føroyum nú enn í fjør.

Triði mánaðin á rað

Millum 30 og 40 løntakarar leggjast afturat hvønn mánað, sambært nýggjastu tølunum hjá Hagstovu Føroya. Meira verður tí goldið í lønum í ár.

Undir yvirskriftini lønargjaldingarnar leypa uppfrá skrivar Hagstovan, at november var triði mánaðin á rað, at lønirnar vuksu hálvt triðja prosent.

Lønirnar eru nú yvir 700 milliónir krónur um mánaðin. Fyri hvørjar tíggju krónur fáa menn tær seks og kvinnurnar fýra.