Færri fólk í nøkrum vinnugreinum

17 færri arbeiðspláss vóru í ráevnisvinnuni, sum fevnir um millum annað grótbrot og sandgrevstur, sambært tølum, sum Hagstovan kunngjørdi í gjár.

14 færri arbeiddu á skipasmiðjunum, 12 færri fingust við post og fjarskifti og níggju færri arbeiddu í landbúnaðinum í oktober í fjør enn í 2014.

Byggivinnan hevur úr at gera, og í henni vóru 119 fleiri fólk í fjør, og í heilsuverkinum og almannaverkinum vóru 136 fleiri arbeiðspláss í oktober í fjør.