Sea Shepherd appellerar

Altjóða deildin hjá Sea Shepherd, Stichting Sea Shepherd Global, fekk 75.000 kr. í bót, og fýra Sea Shepherd fólk fingu ávikavist 25.000, 30.000 og 35.000 kr. í bót fyri at órógva drápið, tilsamans 165.000 kr. 

Men Sea Shepherd hevur skotið dómarnar inn fyri Landsrættin, sigur advokaturin hjá Sea Shepherd í Føroyum, Jógvan Páll Lassen.

Hesum boðaði hann eisini frá, tá dómarnir fullu í Føroya rætti 7. august í fjør. Og ákærin, Linda Hesselberg, segði, at hon fór at mótappellera. 

Hetta eru fyrstu dómarnir, sum eru sagdir í Føroya rætti eftir at grindalógin bleiv herd.

Tað bar til at viðgera ákæruna móti Stichting Sea Shepherd Global í fjør, tí ein leiðari hjá Sea Shepherd var í grindini í Bø. 

Hon hevði ferðaloyvi, visum, til Føroya. Og umsóknina um ferðaloyvi hevði Alex Corneliussen, stjóri í Stichting Sea Shepherd Global, undirskrivað.