Lítil áhugi fyri at leiga Sjóvinnuhúsið

Bara ein umsókn er komin at leiga Sjóvinnuhúsið á Vestaru bryggju í Havn. Húsið skal leigast út ella seljast í einum

Bara ein áhugaður leigari er til Sjóvinnuhúsið á Vestaru bryggju. Nú verður farið undir samráðingar, so greiða fæst á, um húsið skal leigast út

Johnsigurd Johannesen

Bjarni Mohr

08.03.2016 - 08:05

Sjúrður Olsen, formaður í vinnunevndini í Tórshavnar kommunu, sigur við in.fo, at nakrir fyrispurningar vóru, men tá avtornaði kom bara eitt tilboð um at leiga húsið.

Sjóvinnuhúsið skal leigast ella seljast í einum, og leigumálið kann vara í 30 ár sambært lýsingini. Gólvvíddin er til samans 7.000 fermetrar í fimm hæddum.

SÍ EISINI Nevndarformaður: Stórur áhugi fyri Sjóvinnuhúsinum

Tilboðið verður nú kannað, og so verður farið at samráðast við tann, sum hevur boðið, sigur Sjúrður Olsen.

Tað hevur ljóðað, at Smyril Line hevur áhuga í at nýta Sjóvinnuhúsið sum gistingarhús, men stjórin í felagnum vil ikki siga, um Smyril Line hevur boðið upp á Sjóvinnuhúsið.

- Vit hava ongar viðmerkingar í løtuni, sigur Rúni V. Poulsen, stjóri á Smyril Line, við in.fo.