Træta avgjørd: Sáttmálin varð brotin

Tað var brot á sáttmálan millum Ergoterapeutfelagið og Fíggjarmálaráðið, tá tríggir ergoterapeutar ikki fingu viðbót fyri at arbeiða uttan leiðslu

Lágargarður og Boðanesheimið brutu sáttmálan millum Ergoterapeutfelagið og Fíggjarmálaráðið. Tað er niðurstøðan hjá Fasta gerðarættinum, sum hevur avgjørt eina trætu millum partarnar

Høgni Djurhuus

Bjarni Mohr

14.04.2016 - 14:15

Lágargarður og Boðanesheimið brutu sáttmálan millum Ergoterapeutfelagið og Fíggjarmálaráðið. Fíggjarmálaráðið er dømt at viðurkenna, at tríggir ergoterapeutar hava rætt til einaviðbót.

Fasti gerðarrætturin hevur avgjørt eina trætu millum Ergoterapeutfelagið og Fíggjarmálaráðið. Ergoterapeutfelagið vann.

Fasti gerðarrættur sigur, at teir tríggir ergoterapeutarnir á Lágargarði og Boðanesheiminum hava rætt til einaviðbót.

Høvdu rætt til 12.000 krónur

Tað er tí sáttmálabrot, at einaviðbótin ikki er latin, meðan ergoterapeutarnir arbeiddu uttan ergoterapeutiska leiðslu.

Sáttmálin sigur, at ergoterapeutur, sum arbeiðir einsamallur og ikki sum leiðandi ergoterapeutur, hevur rætt til árliga viðbót, sum er 12.000 krónur

Hetta hevur staðið í sáttmálanum síðani 1989. Ergoterapeutarnir fáa nú einaviðbótina fyri tíðarskeiðini ávikavist 31. juli í 2009 - tann eini - og 1. november 2012 til 1.mai í fjør.