Kommunan brúkar 16 mió. kr. til Kommunuskúlan

Tórshavnar kommuna skal brúka góðar 16 mió. kr. til at umvæla Kommunuskúlan í Havn, sum Bústaðir leiga til lestraríbúðir. 

Umvælingin kostar 53 mió. kr. uttan meirvirðisgjald. Og parturin hjá kommununi er góðar 16,1 millión við MVG.

Býráðið samtykti í gjárkvøldið at játta pengarnar. Húsavarðatænastan, sum hevði lægra tilboðið upp á arbeiðið, hevur fingið arbeiðið. 

Sambært rammuavtalu millum kommununa og Bústaðir skal kommunan skeyta Bústøðum Kommunuskúlan, tó ikki lonina við Tróndargøtu, har sum fimleikarhøllin er.