- Tíðindi, mentan og ítróttur
Gekk skjótt at selja atgongumerkini
Gekk skjótt at selja atgongumerkini
Tað tók Fótbóltssambandinum bara sjey minuttir at selja tey síðstu 1.000 atgongumerkini til HM-undankappingardystin móti Portugal í oktober
Tað tók Fótbóltssambandinum bara sjey minuttir at selja tey síðstu atgongumerkini til HM-undankappingardystin móti Portugal í oktober mánað. Á myndini tá Føroyar spældu móti Grikkalandi í juni í 2015
02.05.2016 - 14:12
Royndi í morgun tú til fánýtis at keypa atgongumerki til HM-undankappingardystin móti Portugal í oktober mánað, so ert tú ikki einsamallur.
Sølan byrjaði klokkan tíggju fyrrapartin. Tað tók bara sjey minuttir at selja tey síðstu atgongumerkini til dystin, skrivar Fótbóltssambandið á heimasíðuni.
Tórvsøllur verður fullsettur
Tað merkir, at Tórsvøllur verður fullsettur - 5.000 áskoðarar - tá Potugal og Christiano Ronaldo koma hendavegin í oktober.
Føroyar hava einaferð áður leikt fótbóltsdyst móti Portugal. Tað var í venjingardysti í Aveiro 20. august í 2008. Tá vann Portugal 5-0.
HM-undankappingardysturin millum Føroyar og Portugal verður á Tórsvølli mánadagin tann 10. oktober í heyst.
Er kopiera
Nýggjastu sendingar í ÚV
Nýggjastu sendingar í SV
