Flogbóltskvinnurnar fyrireika seg

Føroyska kvinnulandsliðið í flogbólti fór fyri løtu síðani (kl.12.15) undir seinastu venjingina uppundir EM-kappingina, sum byrjar mánadagin.

Liðið venur í høllini í Kollafirði, sum hevur verið fastur venjingarstaður til HM og EM-kappingina.

Liðið er nú fullmannað, eftir at fýra teir seinastu leikararnir komu til landið í gjár.

Venjarar hjá kvinnulandsliðnum í flogbólti eru Jóhan Petur á Stongum og Kristian Mikkelsen.

Í morgin flytir kvinnulandsliðið á Hotel Føroyar, har tær skulu búgva meðan EM-kappingin er.

Hini liðini sum vera við í kappingini eru: Kypros, Liktinstein og Írland, sum koma til Føroya í morgin, og sum eisini skulu búgva á Hotel Føroyum.

EM-kappingin byrjar mánadagin, og kl. 20 mánakvøldið skulu kvinnurnar møta Írlandi í fyrsta dystinum, sum verður í Høllini á Hálsi.