Nú kemur Landsbankin afturíaftur

Nú kemur Landsbankin afturíaftur
Uppskot um lóg um Landsbanka Føroya og Føroya váðaráð er sent til hoyringar
 
07.06.2016 - 08:09

Kristina Háfoss, landsstýriskvinna í fíggjarmálum, sigur, at Landsbankin og Váðaráðið skulu í felag virka fyri fíggjarligum støðufesti í Føroyum, forða fyri búskaparkreppum og styrkja búskapin.

Nýggi Landsbanki Føroya skal vera óheftur, almennur fíggjarstovnur og greiningarstovnur. Hann skal umsita ogn og skuld landsins, men hann kann eisini vera ráðgevi og fíggjarstovnur hjá kommunum og almennum grunnum.

Váðaráðið skal eygleiða og eyðmerkja yvirskipaðar - systemiskar - fíggjarváðar og gera tilmæli um teir.

SÍ EISINI 5,3 milliónir at endurstovna bankan

Kristina Háfoss sigur, at seinasta fíggjarkreppan staðfesti, at fíggjarligu eftirlitsstovnarnir vóru ov veikir og høvdu bara eftirlit við avmarkaðum viðurskiftum.

Úrslitið varð, at flestu lond styrktu yvirskipaða fíggjarliga eftirlitið og settu eisini á stovn tvørgangandi fíggjarlig váðaráð.

Váðaráðini tryggja, at eftirlitið við búskapinum og fíggjarøkinum ikki bara umfatar einstakar stovnar ella úrvald øki, men alla tíðina gera váðametingar fyri alt fíggjarkervið og samfelagið.

Er kopiera
Nýggjastu sendingar í ÚV
Mikudag 18. november
Skipsboð
216603
Týsdag 17. november
Vitan
216375
Týsdag 17. november
Vitan
216297
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470