Útflutningurin størri enn innflutningurin

Vit útfluttu fyri tvær milliardir og 469 milliónir krónur til 1. mai. Men innflutningurin var tvær milliardir og 67 milliónir.

Útflutningurin er 23 prosent størri í ár enn í fjør, innflutningurin er 21 prosent størri í ár enn í fjør, siga tøl, sum Hagstovan kunngjørdi í gjár.

Í útflutninginum vigar alilaksur eisini nógv í ár. Alilaksur fyri eina milliard og 113 milliónir krónur varð útfluttur frá 1. januar til 1. mai í ár, tað eru 367 milliónir og 49 prosent meira enn í fjør.