Nógv olja á goymslu

So nógv olja er ikki goymd umborð á tangaskipum síðani fíggjarkreppan herjaði árini 2008 og 2009, vísir ein uppgerð sum Bloomberg hevur gjørt.

Uppgerðin vísir eisini, at í løtuni liggja níggju milliónir tunnur av olju umborð á níggju oljutangaskipum, sum liggja í Norðsjónum, útfyri bretsku strondini. Tað eru tvær milliónir tunnur fleiri enn í mai.

Eftirspurningurin í Evropa veksur ikki

Í síni árligu frágreiðing, vísir Altjóða Orkustovnurin, EIA á, at oljan verður goymd, tí feløgini sum selja, vænta at prísurin fer at hækka.

Oljan umborð á tangaskipunum í Norðsjónum er ikki seld enn, og smá útlit eru fyri, at oljuprísurin fer at hækka í bræði, tí eftirspurningurin av olju í Evropa veksur ikki, skrivar Bloomberg.

Skipið sum hevur ligið longst útfyri bretsku strondini, er tangaskipið, Maran Thetis, sum hevur ligið síðani 23. apríl.