Skjóttgangandi bátur illa fyri í brimi í Kalsvík

Báturin var farin inn í Kalsvík á Kalsoynni  við 7 fólkum umborð, men ring líkindi og ógvusligt brim gjørdi, at báturin slapp ikki úr aftur víkini. 

MRCC fekk boðini um at báturin var í neyð klokkan 19:48. Bæði tyrlan og bjarginarbáturin Lív vóru sendir avstað beinanvegin, meðan Brimil eisini byrjaði at sigla móti Kalsvík.  Norðoya bjargingarfelag var eisini við í bjargingini. Bjargingarbáturin Ziska var á beding og tí var Norðoya bjargingarfelag í einum læntum skjóttgangandi báti.

Sambært vakthavandi hjá MRCC var trupulleikin, at samband ikki fekst við bátin. Men aftaná ein góðan tíma eydnaðist tað at vísa RIB bátinum veg út úr Brimsvík og í slættari sjógv. 

Kalsvík er ein lítil vík norðast á Kalsoynni. 

Hoyr her Jens Mortan Rasmussen frá JAB Adventure greiða frá hendingini.

(Greinin er dagførd)