Landið søkir eftir samráðingarleiðara

Fíggjarmálaráðið søkir nú eftir stjóra til Lønardeildina.

Starvið sum lønarstjóri gjørdist leyst, tá Snorri Fjallsbak í juni segði seg úr starvinum. Hann er nú ráðgevi hjá Fíggjarmálaráðnum.

Stjórin á Lønardeildini stendur á odda fyri samráðingunum við tey nógvu fakfeløgini, sum umboða almennu starvsfólkini og tænastufólkini, og góðkenna lønarsáttmálar hjá kommununum. 

Vil hava framskygdan stjóra

Lønarstjórin hevur eisini ábyrgdina av starvsfólkaumsiting landsins.

Fíggjarmálaráðið søkir eftir framskygdum, ágrýtnum og dugnaligum lønarstjóra. 

Umsóknarfreistin er til 9.september.

Fíggjarmálaráðið vónar, at nýggi lønarstjórin kann byrja 1.november.

Á Lønardeildini í Fíggjarmálaráðnum arbeiða trý fólk.