Royna nú aftur at selja svartkjaft

5.000 tons av svartkjafti vórðu seld fyri 10 oyru kilo, sum var ásetti minstiprísurin á afturlatnu uppboðssølu hósdagin fyri viku síðani.

Mánadagin seldi Fiskamarknaðurin onnur 5.000 tons av svartkjafti á opnari uppboðssølu. Tá var miðalprísurin 12 ½ oyra fyri eitt kilo.

Fyrsta opna uppboðssølan í síðstu viku gav einki boð. Tey 5000 tonsini ætlar Fiskamarknaðurin nú at selja í næstu viku.

Fiskimálaráðið hevur gjørt av, at til samans 20.000 tons av svartkjafti skulu seljast á royndaruppboðssølu í ár.