Landsstýrið skal ikki blanda seg

Í hoyringsskrivinum, sum er skrivað til fundir við politiska og vinnuliga fylgibólkin, mælir nýskipanarnevndin frá, at tað skal vera reiðarin, sum einsamallur rindar fyri keypta kvotu.

Í kunngerðini um royndaruppboðssølu samtykti Løgtingið annars, at manningar skuldu ikki rinda part, tá kvotur verða keyptar á uppboði.

SÍ EISINI Skipanin við fiskidøgum í søguna

Høgni Hoydal, landsstýrismaður í fiskivinnumálum, hevur hildið tað vera best, tí tá kvota er seld millum skip, hava manningarnar einki fingið burturúr.

Men reiðarar hava ikki funnið seg ikki í at skula gjalda alla rokningina fyri uppboðssøluna. Føroya Reiðarafelag hevur eisini stevnt landsstýrinum eftir endurgjaldi fyri mistar inntøkur.

Eigur at lóggevast øðrvísi

Tað hevur felagið gjørt, tí landsstýrið í lógini um royndaruppboðssøluna, hevur slept manningunum undan at verða við til at gjalda fyri keyptu kvoturnar.

Í hoyringsskrivinum mælir nýskipanarnevndin eisini frá, at landsstýrið lóggevur soleiðis, at manningar sleppa undan at rinda partar av uppboðssølugjaldinum.

- Tað eigur at vera upp til vinnu og starvsfólk at gera av ígjøgnum arbeiðsmarknaðarsamráðingar, heldur nýskipanarnevndin hjá Fiskimálaráðnum.