Samfelagsfrøði skal inn í fólkaskúlan

Samfelagsfrøði skal inn í fólkaskúlan
Longu næsta skúlaár skal samfelagsfrøði verður partur av frálæruni í fólkaskúlanum. Tað sæst í fíggjarlógaruppskotinum fyri 2017
Samfelagsfrøði skal á tímatalvuna hjá fólkaskúlanæmingum úr sjeynda upp í níggjunda flokk, sambært fíggjarlógaruppskotinum fyri næsta ár
 
02.10.2016 - 16:04

Í fíggjarlógaruppskotinum fyri 2017 verða slakar 700.000 krónur meira játtaðar til lønir til Nám samanborið við 2016.

Orsøkin til hetta er, at Nám skal gera undirvísingartilfar til samfelagsfrøði í fólkaskúlanum, stendur í fíggjarlógaruppskotinum.

Nám hevur sett Eydnu Magnussen at ritstjórna frálærutilfarið í samfelagsfrøði. Ætlanin er, at tilfarið skal verða klárt til skúlaárið 2017/18.

Má samtykkjast í tinginum fyrst

Samfelagsfrøði skal vera ein lærugrein frá 7. til 9. flokk. Um lærugreinin skal vera á tímatalvuni øll árini, er ikki avgjørt enn.

Tað er heldur ikki avgjørt, um nøkur onnur lærugrein má víkja ella um lærarar og næmingar mugu arbeiða meir, tá samfelagsfrøði verður á tímatalvuni.

At samfelagsfrøði skal vera ein lærugrein í fólkaskúlanum stendur í samgonguskjalinum. Men áðrenn tað kann gerast veruleiki, má hetta samtykkjast av Løgtinginum.

Er kopiera
Nýggjastu sendingar í ÚV
Mánadag 16. november
Norðurljóð 16.november 2026
215027
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Sunnudag 15. november
Filosofiskur 8.partur
216351
Nýggjastu sendingar í SV
Mánadag 16. november
Bygdarliv 4 – Eiði
216470
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214