Føroysk børn góða tannheilsu

Føroysk børn góða tannheilsu
Børn í Føroyum hava frískar tenn, og vit eru nú á sama stigi sum hini norðurlondini, staðfestir nýggj frágreiðing
Tannheilsan hjá børnum í Føroyum er góð og á sama stigi sum hjá hinum nirðurlondunum. Tannheilsan kann tó gerast uppaftur betri, sambært nýggjari kanning
 
17.10.2016 - 11:22

Nýggja frágreiðingin, Heilsu- og innlendismálaráðið hevur biðið um, staðfestir, at tannheilsan er nógv batnað, men hon kann gerast uppaftur betri.

Í 1991 fóru tannlæknarnir at skráseta skúlabørn fyri tannsjúkur eftir altjóða reglum hjá heimsheilsustovninum, WHO. 

Hesi 25 árini er talið av børnum, sum hava tenn við ongum holum, nógv vaksið. Í 1991 høvdu bert 12 prosent av teimum 12 ára gomlu frískar vaksnamannatenn, men í fjør var hetta talið 64 prosent. 

Stórur bati í øllum aldursbólkum

Føroyar eru nú á sama stigi sum hini norðurlondini, tá ið ræður um tilboð um tannrøkt til børn og ung, og tá ið ræður um úrslit, sum er rokkin til frama fyri tannheilsuna sum heild, vísir frágreiðingin. 

Í frágreiðingini verður kortini víst á, at endamálssetningurin hjá føroyskum tannlæknum um frískar tenn alt lívið er ikki rokkin fyri øll. 

Tí er neyðugt framhaldandi at gera ábøtur og stremba eftir framstigum í tannheilsuni hjá børnum og ungum í Føroyum, verður sagt í frágreiðingini.

Er kopiera
Nýggjastu sendingar í SV
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520