Mæla frá uppboðssølu

Mæla frá uppboðssølu
Reiðarafelagið mælir landsstýrinum frá at hava nakra royndaruppboðssølu av veiðirættindum næsta ár
 
01.11.2016 - 08:12

Tað gevur snøgt sagt onga meining, sambært Reiðarafelagnum, sum í staðin mælir landsstýrismanninum og samgonguni til at hugsavna seg um at fremja ta fiskivinnunýskipan, sum skal koma í gildi 1. januar í 2018.

Reiðarafelagið vísir á, at landsstýrið ætlar at leggja uppskot um nýggja fiskivinnulóg fyri Løgtingið í vár, soleiðis at hon kann koma í gildi á nýggjárinum næsta ár.

SÍ EISINI Uppboðssøla ikki gongda leiðin

Tí gevur tað onga meining at hava eina royndaruppboðssølu í 2017, har kvoturnar verða fiskaðar fleiri mánaðir eftir at fiskivinnulóggávan er løgd fyri Løgtingið.

Reiðarafelagið mælir tí landsstýrinum til, heldur enn at skipa eina royndaruppboðssølu afturat í 2017, at krevja pengarnar inn við veiðigjøldum. 

SÍ EISINI Álitið er handað landstýrismanninum

Reiðarafelagið minnir landsstýrið á, at verandi veiðuloyvi eru einasta trygd fyri, at enn fleiri skip ikki koma inn í flotan at fiska somu fiskar. 

Tann gongdin fer bara at økja um samlaðu útreiðslurnar hjá vinnuni og harvið minka um tilfeingisrentuna til landskassan. 

Tí heldur Reiðarafelagið tað vera burturvið at loyva øðrum enn skipum við veiðiloyvi at bjóða seg fram á royndaruppboðssølu í 2017, sum landsstýrismaðurin í fiskivinnumálum hevur róð framundir.

SÍ EISINI Arbeiðssetningurin ov smalur

- Fiskivinnan hevur ligið í andaleypi, síðani veiðuloyvini í 2007 vórðu søgd upp at fara úr gildi frá 1.januar í 2018 at rokna.

- Nú liggur tað á politisku skipanini at gera semjurnar, sum kunnu tryggja fiskivinnuni góðar karmar, soleiðis at íløguhugurin aftur verður stimbraður komandi árini, sigur Reiðarafelagið í skrivi til Løgtingið. 

Felagið heitir tí staðiliga á politisku skipanina um at hugsavna seg um sjálvt nýskipanararbeiðið og gloyma alt um enn eina royndaruppboðssølu í 2017.

Er kopiera
Nýggjastu sendingar í ÚV
Týsdag 17. november
Vitan
216375
Týsdag 17. november
Vitan
216297
Mánadag 16. november
Norðurljóð 16.november 2026
215027
Nýggjastu sendingar í SV
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti hjá Brøðrasamkomuni.
216442

Annað frá KVF