Øgiligur spenningur á Tvøroyri

Var tað spennandi áðrenn, so gjørdist tað ikki minni spennandi á Tvøroyri, nú valstýrið váttar, at upprunaliga býti millum listarnar ikki var rætt. Javnaðarlistin fær tríggjar og ikki tveir býráðslimir, sum upprunaliga talt upp. Tað merkir, at tað stendur á jøvnum millum Javnaðarlistan og listan hjá Kristin Michelsen. 

Súsanna Bertholdsen á Javnaðarlistanum sleppur inn, meðan Hallur á Heiðunum má geva sessin frá sær, áðrenn hann fekk hann. 

Einsamalla valda umboðið á Borgaralistanum, Anita Vibergsdóttir, skal tí velja, hvønn hon peikar á, Bjarna Hammer ella Kristin Michelsen.

Kringvarpið fylgir málinum.