Trump fingið ráðgevaratoymi

Komandi amerikanski forsetin Donald Trump er longu gingin saman við viðurkendum ráðgevum og lobbiistum í Washington, hóast hann alt valstríðið lovaði stuðlum sínum at tveita politisku elituna út úr høvuðsstaðnum. Tað skrivar CNN á heimasíðuni.

Fyrrverandi ráðgevar hjá Ronaldi Reagan, George Bush og Dick Cheney eru millum ráðgevarnar hjá Donald Trump. Sambært CNN kunnu ráðgevarnir fáa sera stóra ávirkan á politisku dagsskránna, tá ið Trump tekur við forsetaembætinum í januar, tí boðskapurin hjá nývalda forsetanum higartil hevur verið óítøkiligur.