Avloysarin hjá honum funnin

Jákup Sverri Kass, ið hevur verið virkandi stjóri í grønlendskum flogvallarfelag, verður 1. desember avloystur í fyribilsstarvinum

Jákup Sverri Kass, ið hevur virkað sum stjóri í grønlendskum flogvallarfelag síðani 1. juli, verður 1. desember avloystur í stjórastólinum hjá nýstovnaðum, grønlendskum felag

Bjarni Mohr

15.11.2016 - 15:46

Fyribilsstarvið hjá Jákupi Sverra Kass, sum stjóri í nýstovnaðum grønlendskum flogvallarfelag, er úti um tvær vikur, skrivar heimasíðan, Check-In.dk

Tað verður grønlendski Steffen Ulrich-Lynge, sum 1. desember tekur við stjórastarvinum í nýggja flogvallarfelagnum, Kalaallit Airports, ið varð stovnað í summar..

Heldur fram í nevndini

Jákup Sverri Kass varð í summar settur sum fyribilsstjóri í nýstovnaða, grønlendska felagnum, sum tá ikki hevði sett stjóra í nýggja flogvallarfelagnum.

Hann varð tá eisini valdur í nevndina hjá flogvallarfelagnum. Nevndarsessin varðveitir Jákup Sverri Kass, hóast hann nú fer úr fyribilsstarvinum.

Nýstovnaða flogvallarfelagið skal víðka um floghavnirnar í Nuuk og Ilulissat og byggja nýggja floghavn í Qaqortoq sunnarlaga í Grønlandi.