- Tíðindi, mentan og ítróttur
Fundur avlýstur: Býráðið kundi ikki skipast
Fundur avlýstur: Býráðið kundi ikki skipast
Býráðsfundurin hjá Tvøroyar býráð í gjárkvøldið, har býráðið skuldi skipa seg, mátti avlýsast, tí fundurin varð ikki viðtøkuførur
Nývalda býráðið á Tvøroyri skuldi skipa seg mikukvøldið tá ætlanin var at hava fund. Fundurin varð ikki viðtøkuførur tí fleiri ikki møttu
17.11.2016 - 08:57
Fundurin hjá býráðnum á Tvøroyri skuldi vera klokkan eitt korter til tíggju í gjárkvøldið. Bara fýra av teimum sjey býráðslimunum møttu á fundi.
Tí var býráðið ikki viðtøkuført at velja borgarsstjóra og varaborgarstjóra. Umboðini hjá Javnaðaflokkinum góvu avboð til fundin, og tá eykalimirnir heldur ikki møttu, mátti fundurin avlýsast.
Bogi Johannsen, sum er næstvaldur á Javnaðarlistanum, sigur, at tey bóðu um at fáa fundin útsettan, tí tey høvdu ikki havt stundir at tosa saman.
Men tá telduposturin ikki varð svaraður, góvu tey avboð til fundin. Nýggur fundur verður væntandi seinast í hesum mánaðinum, upplýsir kommunustjórin á Tvøroyri.
Er kopiera
Nýggjastu sendingar í ÚV
Nýggjastu sendingar í SV
