Uppruddingin í Føroyingahavnini

Kári P. Højgaard, tingmaður fyri Nýggja Sjávlstýri hevur sett løgmanni fyrispurning um uppruddingina í Føroyingahavnini í Grønlandi.

Aksel V. Johannesen, løgmaður, segði fyrr í ár, at tilgongdin at rudda upp í Føroyingahavnini er byrjað, og samstarv er við grønlendskar myndugleikar um málið.

Kári P. Højgaard spyr, hvat uppruddingin kostar, um føroysk arbeiðsmegi verður nýtt, og nær væntast kann, at tað verður liðugt at rudda.

SÍ EISINI Fara nú at rudda Føroyingahavnina

Hann spyr eisini, um tað eru almannu Føroyar, sum einsamallar hava ábyrgdina av uppruddingini.

Kári P. Højgaard sigur, at tað skuldi verið sjálvsagt, at føroysk arbeiðsmegi, skip og útgerð verða nýtt til uppruddingarabeiðið.

Hann vísir á, at síðani løgmaður kom við síni fráboðan fyri sjey mánaðum síðani, hevur tøgn valdað, og eingin peningur er markaður á fíggjarlógini næsta ár til arbeiðið.