Tvøroyrar býráð skipað

Anita Vibergsdóttir á Borgaralistanum verður varaborgarstjóri. Kommunulistin og Borgaralistin hava skipað meiriluta. Teir hava fýra av sjey býráðslimum.

Javnaðarflokkurin er í minniluta. Býráðið valdi eisini fólk í tær seks føstu nevndirnar. Tær skipa seg eftir nýggjár. 

Viðgera spurningin um løgtingssess

Kristin Michelsen hevur verið borgarstjóri á Tvøroyri síðani 3. februar 2003, fyrst fyri Uttanflokkalistan, síðani fyri Javnaðarflokkin, men eftir nýggjár fyri Kommunulistan.  

Tá nýggja býráðið hevur tikið við á nýggjárinum, skal tað taka støðu til, um Kristin Michelsen kann vera í Løgtinginum samstundis sum hann er borgarstjóri.

Í býráðnum á Tvøroyri, sum varð valt á kommunuvalinum 8. november, eru fýra kvinnur og tríggir menn.