- Tíðindi, mentan og ítróttur
Háskúlin biður um pengar
Háskúlin biður um pengar
Føroya fólkaháskúli hevur síni 30 prosent og hevur biðið Fíggjarnevndina um hini 70 prosentini til at umvæla næmingarúmini
Háskúlin hevur biðið um pening, so næmingarúmini á skúlanum kunnu umvælast
09.12.2016 - 08:20
Ætlanin er at umvæla rúmini hjá næmingunum fyri eina millión og góðar 640.000 krónur. Háskúlin hevur fingið 400.000 krónur í gávu frá ungmannafelagnum Merkinum og kann læna 92.000 krónur.
Hetta geva 30 prosent, sum eru partur skúlans av umvælingum. Fíggjarnevndin er biðin um at lata 70 prosent, sum eru landsins partur, eina millión og 160.000 krónur.
Gávan frá Merkinum er markað til at umvæla næmingadeildina. Gentulonin á Háskúlanum er frá 1961 og dreingjalonin frá 1953.
Einki er gjørt við tær seinastu 20-30 árini, og tær eru sera ótíðarhóskandi, sigur Landsverk, sum hevur gjørt eina kostnaðarmeting um umvælingina.
Er kopiera
Nýggjastu sendingar í ÚV
Nýggjastu sendingar í SV
