Nýggjur stjóri í Sankta Frans skúla

Landsstýriskvinnan í mentamálum, Rigmor Dam, hevur sett Aslaug Olsen í starvið sum skúlastjóri í Sankta Frans skúla.

Aslaug Olsen er 52 ára gomul og tók læraraprógv í 2002. Harumframt hevur hon tikið merkonom- og diplomútbúgving í leiðslu umframt ymisk skeið í leiðslu og námsfrøði.

Aslaug Olsen hevur verið skúlaleiðari í Hvalvíkar Skúla í 12 ár, og hon hevur eisini verið virkandi skúlastjóri í Stranda skúla seinasta árið.

Aslaug Olsen tekur við starvinum sum skúlastjóri í Sankta Frans Skúla tann 1. februar.