Sleppur nú eisini í tingið

Jógvan Skorheim, formaður í Nýggjum Sjálvstýri og borgarstjóri í Klaksvík, kann nú taka sæti á tingi.

Tað gjørdi Klaksvíkar býráð við teprum meiriluta av á fundi í gjár. Seks býráðslimir - tað er meirilutin við Nýggjum Sjálvstýri og Javnaðarflokkinum - vóru fyri, og fimm - tað er minnilutin við Fólkaflokkinum og Tjóðveldi - vóru ímóti.

Seinasta býráðsvalskeið loyvdi Klaksvíkar býráð ikki Jógvani Skorheim at verða tingmaður, meðan hann var borgarstjóri.

Men nú hann hevur fingið býráðsins samtykt, tekur hann sæti á tingi 7. februar.

Bárður Kass Nielsen hevur verið varamaður á tingið síðan valið 1. september 2015.