Edvard Heen og Johannes Jensen ársins leiðarar

Edvard Heen og Johannes Jensen eru valdir til Ársins Leiðarar, ávíkavist innan tað almenna og tað privata.

Stjórin í Almannaverkinum og stjórin fyri Gist & Vist samtakið fingu heiðurin á Leiðaradegnum, sum Synergi skipar fyri.

Edvard Heen var í uppskoti sum ársins leiðari innan tað almenna saman við Hedvig Johansdóttir, stjóra á Dugna, og Hilmar Eliasen, stjóra á Strandfaraskipum Landsins.

Johannes Jensen var í uppskoti sum ársins leiðari innan tað privata saman við Frimodt Rasmussen, stjóra á Klaksvíkar Sleipistøð, og Rógva Róin, stjóra í fyritøkuni Petur Larsen.

Hetta er 13.árið, at Ársins leiðarar eru valdir. Síðstu árini er heiðurin latin tveimum stjórum - einum almennum og einum privatum.