Sending av Pamol-tablettum tiknar aftur

Framleiðarin, Takeda Pharma upplýsir, at í løtuni vita tey ikki, hvat slag av tablettum eru funnin í pakkunum.

Men sagt verður í tíðindaskrivi, at álvarsligur vandi kann verða fyri sjúklingar.

Framleiðarin tekur aftur 500 milligram-Pamol-tablettir í pakkum við 300 tablettum í. Tað er ikki greitt, hvussu nógvir pakkar eru seldir.

- Takeda Pharma tekur málið í størsta álvara og kannar tað til fulnar, - eitt nú skjalprógv fyri framleiðsluna av tablettunum, stendur í tíðindaskrivi, sambært Ritzau.

Seldar í ár

Talan er um stórar pakkar av Pamol, sum eru keyptir upp á resept, og tí er tær bara keypta á Apotekum ella sjúkrahús-apotekum.

Pamol-pakkarnir hava eitt seriu-nummar, sum stendur á síðuni á pakkanum, og tú kanst á heimasíðu okkara, kvf.fo, síggja, nummarið, sum talan er um. Pakkarnir eru seldir síðani januar 2017.

- Mælt verður til, at sjúklingar, avvarandi og røktarstarvsfólk, sum hava tikið í móti Pamol við hesum seriunummari, ikki brúka tablettirnar, men lata tær aftur til apotekið sum skjótast, skrivar Ritzau.