Arbeiðsloysið er størst millum ungar kvinnur

Arbeiðisloysið, sum er 2,3 prosent, er tað lægsta í 8 ár. 

634 fólk vóru fulltíðararbeiðsleys í januar - 196 færri enn fyri hálvum ári síðani, vísa tøl frá Hagstovuni.

Kvinnurinar harðast raktar

Men tað er ymiskt, hvussu arbeiðsloysið rakar.

Tann bólkurin, ið harðast raktur av arbeiðsloysi, eru kvinnur í aldrinum 25 til 35 ár. 

Í tí bólkinum er arbeiðsloysi 5,1 prosent. Tað er næstan tvífalt tað, sum arbeiðsloysið er í miðal fyri allar kvinnur í øllum aldurbólkum. 

Arbeiðsloysið er minst hjá teimum 45-54 ára gomlu - 1,8 prosent.