Uppskotið lagt fram mánadagin

Komandi mánadag fer samgongan at leggja sítt uppskot um fiskivinnunýskipan fram alment. Tað verður á einum tíðindafundi, stendur í tíðindaskrivi frá Løgmansskrivstovuni.

Fyri at tryggja opinleika um týðandi nýskipanina og at allar mannagongdir verða fylgdar, er ráðiligast, at fiskivinnunýskipanin bæði fer til almenna hoyring og lógareftirkanning, áðrenn hon verður latin Løgtinginum.  

Beint eftir tíðindafundin verður uppskotið til fiskivinnunýskipan sent til ummælis hjá avvarðandi pørtum.

Tað eru Aksel V. Johannesen, løgmaður, Høgni Hoydal, landsstýrismaður í fiskivinnumálum, og Poul Michelsen, landsstýrismaður í uttanríkis- og vinnumálum, ið hava sent felags tíðindaskrivi út.