Tríggir nýggir kommunulæknar

Signhild Petersen, Renate Weber Ehlers og Joan Smidt Skibenæs eru júst lidnar við útbúgving sína sum serlæknar í almennum medisini, í tí, sum vanliga verður nevnt kommunulækni, upplýsir Landssjúkrahúsið.

Tær hava allar fingið styttri vikariat hjá kommunulækna. Signhild Petersen, Renate Weber Ehlers og Joan Smidt Skibenæs hava tikið serlæknaútbúgvingina, sum er hálvt fimta ár, á Landssjúkrahúsinum og hjá Kommunulæknaskipanini, har tær hava verið hjá kommunulæknum kring landið.

Greinin heldur fram niðanfyri

Í løtuni eru 11 læknar í útbúgving til kommunulækna. Væntandi verða tveir læknar afturat liðugt útbúnir 31. august í ár.

Í Føroyum er hendan útbúgving skipað í samstarvi millum Landssjúkrahúsið, Kommunulæknaskipanina og Videreuddannelsesregion Øst í Danmark.