Hoyringarfreistin farin

Hoyringarfreistin til nógv umrødda uppskotið um fiskivinnunýskipan, sum Høgni Hoydal, landsstýrismaður, legði fram sætta mars, er farin

Freistin, at koma við hoyringarsvarum, er í dag, mánadagin 27. mars. Uppskotið er rættuliga umfatandi og er 105 síður.

Ætlanin er, at skipanin skal koma ístaðin fyri verðandi skipan, sum gongur út á nýggjárinum, tí galdandi veiði- og fiskiloyvi fara úr gildi 1. januar komandi ár.

Uppskotið skal nú viðgerðast í Fiskimálaráðnum áðrenn tað verður lagt fyri Løgtingið.