Fer at kosta at ganga í Mykinesi

Í gjárkvøldið var grannastevna í Mykinesi. Har bleiv samtykt, at tað nú fer at kosta at ganga uttan fyri bøgarðarnar í Mykinesi. 

Prísurin verður 100 krónur fyri vaksin, 50 krónur fyri børn yvir seks ár, meðan børn undir seks ár sleppa ókeypis. 

Fólk, ið hava okkurt tilknýti til Mykines, skulu ikki gjalda. 

Tað var stórur meiriluti fyri uppskotinum at taka gjald fyri at ganga í Mykinesi, sambært Jacob Vestergaard, sýslumanni, sum leiddi grannstevnuna.

Arbeiðið, við at skipa Mykines sum gjaldsøki, byrjar beinavegin.