Skúlarnir taka sjálvir avgerð um fartelefon

Miðnámsskúlarnir avgera sjálvir, nær og hvussu fartelefonir verður brúktar í skúlunum.

Tað sigur Rigmor Dam, landsstýriskvinna, í svari til Elsebeth Mercedis Gunnleygsdóttur, løgtingskvinnu, sum spurdi eftir at hava lisið í blaðnum Ó, at 66 prosent av næmingunum í Hoydølum søgdu, at fartelefonin órógvar skúlagongdina.

Landsstýriskvinnan sigur, at ein kunngerð er um gott skil og arbeiðsnáðir í skúlanum. 

Skúlarnir brúka kunngerðina til at gera reglur um skilhald. 

Burturvísing

Miðnám á Kambsdali hevur ta reglu, at næmingarnir skulu bara brúka teldur, teldrar og telefonir til undirvísing og skúlaarbeiði.

Glasir sigur, at fartelefonir skulu vera sløktar og burturbeindar í tímunum. Tey, sum bróta hesa reglu, verða burturvíst úr tímanum.

Rigmor Dam sigur, at hon er neyvan rætti fakligi myndugleikin at avgera, um ein kanning skal gerast fyri at fáa staðfest, um samband er millum heilsustøðuna hjá teimum ungu og fartelefonir.

Men tað hevði ivaleyst verið áhugavert at gera slíka kanning, sigur Rigmor Dam. 

Elsebeth Mercedis Gunnleygsdóttir sigur, at sambært blaðnum Ó segði ein kanning í 2013, at 90 prosent av øllum lesandi í Føroyum søgdu seg brúka Facebook í skúlatíðini, 43 prosent vóru on-line alla tíðina. 

Ein kanning hjá Fólkaheilsuráðnum í 2015 segði, at 18 prosent av teimum ungu vóru í sálarligum vandabólki.