Gongd komin á byggingina

Arbeiðið upp á musikkskúlan við Landavegin í Havn er byrjað, og fyrstu formarnir eru stoyptir. Húsavarðartænastan stendur fyri arbeiðnum.

Í fyrsta umfari eru 26 milliónir krónur at byggja fyri, og restin verður fíggjað á íløguætlanini í 2018 og 2019. Skúlin skal eftir ætlan verða liðugur fyrst í 2019.

Musikkskúlin verður 2600 fermetrar til støddar við orkesturhøli, sum umframt at verða nýtt til undirvísing, eisini er ætlað til framførslur til 350 áhoyrarar.