Oyggjadagurin 2017 avlýstur

Oyggjadagurin, sum ætlanin var at hava í morgin, leygardagin 27. mai er avlýstur. Tað boðaði Tórshavnar kommuna frá á heimasíðuni, torshavn.fo, fyri løtu síðani.

"Vegna útlit fyri regni og vánaligum sýni er Oyggjadagurin avlýstur í morgin. Peningur fyri ferðaseðlar verður endurgoldin hjá Visit Tórshavn," skrivar kommunan.

Oyggjadagarnir, har høvið er at vitja allar oyggjarnar í Tórshavnar kommunu, hava verið vælumtóktir. Í fjør vórðu allir túrarnir til oyggjarnar útseldir.