Fíggjarliga støðan viðgerast í skundi

Tey trý alifeløgini, sum eru í Føroyum, Bakkafrost, Marine Harvest og Hiddenfjord, skulu á fundin hjá Vinnunevndini í dag umframt P/F Fiskaaling og Poul Michelsen, landsstýrismann.

P/f Fiskaaling hevði 18,6 milliónir krónur í halli í fjør. Eginognin hjá felagnum er negativ. Landsstýrismaðurin í vinnumálum hevur tí lagt uppskot fyri tingið um at játta 9,5 milliónir krónur sum kapitalinnskot so Fiskaaling kann halda fram.

Tær 9,5 milliónirnar eru í eykajáttanarlógini, sum er til viðgerðar í Fíggjarnevndini. Sum skilst, ætlar Vinnunevndin at fáa uppskotið um Fiskaaling frá hondini nú í vikuni, so Fíggjarnevndin fær avgreitt eykajáttanarlógina.