Nakrar heimagreiðslur óvirknar

Nakrar heimagreiðslur óvirknar
Heimabankin hjá nøkrum føroyingum riggar ikki, sum hann skal í løtuni. Trupulleikin verður ikki loystur fyrr enn í næstu viku
Heimagreiðslan og Heimabankin hjá føroysku peningastovununum, tað vil siga heimabankin hjá teimum, sum ikki hava Nem-ID, er óvirkin í løtuni
 
22.06.2017 - 15:37

Heimagreiðslan og Heimabankin hjá føroysku peningastovununum, tað vil siga heimabankin hjá teimum, sum ikki hava Nem-ID, er óvirkin í løtuni. 

Danska KT-fyritøkan, SDC, hevur gjørt dagføringar í heimagreiðsluskipanini, og tá seinasta dagføring varð gjørd fríggjadagin, gjørdist tænastan óvirkin. 

Heimagreiðslan er norsk loysnin, og norðmenn góvust at menna skipanina í fjør.  Tí riggar gamla skipanin verri og verri. 

Vita meira í næstu viku

Fía Selma Nielsen, rakstrarleiðari í Betri Banka, sigur, at tey kanna nú brekið, og meira fæst at vita í næstu viku.

Spurd, hvat viðskiftafólkini so skulu gera, sigur hon, at tey kunnu annaðhvørt fáa sær Nem-ID, tí tann skipanin riggar, ella kunnu tey ringja til peningastovnin og fáa hann at gera flytingarnar. 

Av tí at talan er um óvirkna tænastu hjá bankanum, verður einki ómaksgjald kravt fyri tað. Tað kostar annars 40 krónur fyri hvørja flyting, sum tú ringir til bankan og biður tey flyta, sigur Fía Selma Nielsen, rakstrarleiðari í Betri Banka.

Er kopiera
Nýggjastu sendingar í ÚV
Nýggjastu sendingar í SV
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486