Sverri rør World Cup finalu í dag

Sverri Sandberg Nielsen úr Miðvági hevur sett sær fyri at rógva fyri danska landsliðið til olympisku leikirnar í Tokyo í 2020. Í dag tekur hann eitt megnar tak móti máli sínum, tí hann fer nevniliga at rógva A-finalu í einkultskullara í World Cup kappingini í Luzern.

Sambært heimasíðuni www.roning.dk  hevur Sverri leingi verið sera væl fyri kropsliga, og á flatlondum verður hann nevndur ´wattmonstret´, tí hann hevur tikið øll met í inniróðri og kropsligum testum.

Í hálvfinaluni róði Sverri móti heimsins bestu rógvarum, og megnaði hann at koma á mál i hølunum á sterka rógvaranum Angel Fournier Rodriguez.

Danska róðrarlandsliðið hevur góðar vónir til unga miðvingin, sum rør A-finalu klokkan 10.48. Róðurin kann stroymast her.

Vit fara at frætta frá Sverra seinni í dag.