Vildu ikki eta døgurða saman við samkyndum

25.07.2017 - 09:42
AktueltSamfelag
Vildu ikki eta døgurða saman við samkyndum
Móttøkan, sum fyrrverandi íslendski forsætisráðharrin, Jóhanna Sigurðardóttir, fekk í Føroyum í 2010, tí hon er samkynd, verður umrødd í bók
 

Vitjanin hjá fyrrverandi íslendska forsætisráðharranum, Jóhonnu Sigurðardóttir, í Føroyum í 2010, tá summi innboðin ikki vildu vera við til almenna døgurðan, tí forsætisráðharrin er samkynd, er feld niður í bók. 

Í sambandi við, at fyrrverandi íslendski forsætisráðharrin, Jóhanna Sigurðardóttir, og kona hennara, Jónina Leósdóttir eru í Føroyum til ársins Faroe Pride tiltak, fer Jónina Leósdóttir at leggja bók sína, Jóhanna og eg, fram. Bókin kom út í 2013. 

Í 2010 var íslendska forsætisráðharraparrið á almennari vitjan í Føroyum.

Vakti ans

Vitjanin vakti ans og fekk nógva altjóða miðlaumtalu, tá tað frættist, at ikki øll boðin vildu fara til almenna almenna døgurðan hjá løgtinginum, tí forsætisráðharrin var samkyndur.

Í bókini viðger Jónína Leósdóttir, sum er rithøvundur og fyrrverandi journalistur, hesa serligu vitjan í Føroyum.

Bókin snýr seg eisini um lív teirra saman, sum hjún, landsleiðarar, íslendskan politikk og teirra lív sum heimskendar LGBT undangongukvinnur.

Fyrsti kvinnuligi forsætisráðharri í Íslandi

Jóhanna Sigurðardóttir gjørdist fyrsti kvinnuligi forsætisráðharrin í  Íslandi í 2009, og hon varð samstundis fyrsti leiðari í heiminum, sum stóð fram sum samkynd. 

Bókaframløgan verður í Riti&ráki í SMS í annaðkvøld kl. 19. 

Er kopiera
Nýggjastu sendingar í ÚV
Leygardag 13. august
Morgunlestur leygardagur 13. august 2022
143011
Fríggjadag 12. august
Morgunlestur fríggjadagur 12. august 2022
143010
Hósdag 11. august
RagnarRokk 11.august 2020
140693
Hósdag 11. august
RagnarRokk: Jon Courtney um Above Sirrus
140690
Nýggjastu sendingar í SV
Týsdag 2. august
Úr savninum: Urtagarðurin (5:8)
142875
Týsdag 2. august
Úr savninum: Urtagarðurin (4:8)
142876
Fríggjadag 29. juli
Upp á gólv - á ólavsøku
142769
Fríggjadag 29. juli
Ólavsøkuguðstænasta í Havnar kirkju.
142767
Hósdag 28. juli
Upp á gólv - á ólavsøku
142750