Kristina skal kanna Høgna og Aksel

Kristina Samuelsen, advokatur, skal kanna Høgna Hoydal, landsstýrismann, og Aksel V. Johannesen, løgmann, fyri løgtingið.  

Tað hevur Páll á Reynatúgvu, løgtingsformaður, avgjørt. 

15 løgtingsfólk heittu á løgtingsformannin um at kanna lutin hjá Høgna Hoydal, landsstýrismanni, tá veiðiloyvi vórðu flutt frá línuskipum til uppsjóvarskip, og um Aksel V. Johannesen, løgmaður, røkti eftirlitsskyldu sína við landsstýrismanninum á fullgóðan hátt í tí sambandi.