- Tíðindi, mentan og ítróttur
Endi slitnaði tá stakkarin koyrdi um borð á Sam
Endi slitnaði tá stakkarin koyrdi um borð á Sam
Stakkarin var hálvur á bildekkinum og hálvur uttanfyri í nakrar tímar
![](https://kvf.fo/sites/default/files/styles/grein-ovasta-mynd/public/sam01.jpg?itok=c7r6IEi_)
Sam verður liggjandi í Havn í hvussu so er til middags.
23.08.2017 - 09:05
Ein endi hjá Sam slitnaði, tá stakkarin koyrdi um borð, og tí fór skipið út frá.
Stakkarian hekk hálvur út av bildekkinum, sum var ájavnt við sjógvin av tyngdini. Stakkarin vigar 76 tons.
Kranin hjá Tórshavnar havn fekk stakkaran í land aftur.
Ein annar stórur krani var eisini á staðnum til at taka.
Vardi tríggjar tímar
Hendingin í Krókinum á eystaru bryggju í Havn í nátt vardi tríggjar tímar, frá klokkan tvey til fimm.
At síggja fekk Sam ikki nevniverdan skaða, men eftir eina slíka hending skal alt skipið kannast, tí tað er ferðafólkaskip, sigur Strandferðslan.
Hetta skuldi verið liðugt á middegi.
Um einki brek verður funnið, kann Sam fara í sigling aftur seinnapartin, upplýsir Strandferðslan.
Sam liggur í Havn.
Nýggjastu sendingar í ÚV
Nýggjastu sendingar í SV