Fólk kunnu síggja øll 46 uppskotini um Hoydalar

Øll 46 uppskotini um framtíðina hjá bygningum landsins í Hoydølum kunnu síggjast á framsýningini í Mentamálaráðnum.

Bara tvey uppskot hava myndir, og tær verða sýndar fram í Mentamálaráðnum í hesum døgum.

Men Mentamálaráðið ger vart við, at hóast almenningurin nú fær høvi at síggja hesi bæði uppskotini, er avgerð enn ikki tikin um, hvussu framtíðin verður í Hoydølum.

Framsýningin gevur ikki fyrimun í viðgerðini, sigur Mentamálaráðið.

Og til ber eisini at síggja hini 44 uppskotini, sum onga mynd hava, á framsýningini, sigur Poul Geert Hansen, aðalstjóri. 

Mentamálaráðið hevur ikki avgjørt enn, hvussu tað fer at velja uppskotið, sum verður brúkt í Hoydølum, sigur hann.