Formansskapurin í fólkatinginum kom ikki hesaferð

Formansskapurin í fólkatinginum avlýsti Føroyaferðina, sum annars skuldi byrja í dag og enda hósdagin.

Vegna sjúku kundu bara tvey av fimm fólkum í formansskapinum koma til Føroya nú.

Ferðin verður ikki fyrr enn í fyrru hálvu næsta ár, sigur Páll á Reynatúgvu, løgtingsformaður.

Samstundis er óvist, hvussu verður við ferðini hjá formansskapinum í løgtinginum til Danmarkar næsta ár.

Formansskapirnir í løgtinginum og í fólkatinginum vitja hvønn annan hvørt ár, annaðhvørt ár í Danmark og annaðhvørt í Føroyum.