Nýskipanin skal viðgerast og eftirmetast hvørt ár

Fiskivinnunýskipanin, sum Høgni Hoydal, landsstýrismaður, legði fyri løgtingið í gjár, skal viðgerast og eftirmetast hvørt ár.

Landsstýrismaðurin leggur á hvørjum ári frágreiðing fyri tingið um tættirnar í fiskivinnuni.

Tað sigur Høgni Hoydal um uppskotið.

Hann boðar eisini frá øðrum lógaruppskotum, sum eru á veg.

Vinningsbýti í Føroyum

Tey skulu millum annað tryggja, at fiskivinnan verður skattað í Føroyum og, at vinningsbýtið verður verandi í Føroyum.

Ein lóg, sum skal forða fyri transfer-pricing, er eisini á veg.

Transfer-pricing er, tá samtøk, feløg ella einstaklinar í fleiri londum áseta innanhýsis prísin fyri vørur og tænastur.

Eisini leggur landsstýrið fram serstaka lóg um tilfeingisgjald í næstum, sigur Høgni Hoydal.