Álopin á skeinkistaði

Klokkan hálvgum fimm í morgun fekk løgreglan boð um, at ein maður var álopin á einum skeinkistaði í Havn. 

Løgreglan var í býnum og kom á staðið fáar minuttir seinni, men tá var álopni maðurin einsamallur. Hann hevði fingið onkrar smærri løstir, so løgreglan koyrdi hann á sjúkrahúsið.

Um maðurin álopni maðurin ætlar víðari við málinum, hevur løgreglan hampiligar persónslýsingar av teimum báðum, sum lupu á mannin. Løgreglan hevur tó einki navn ella annað at fara víðari við.

Umframt hetta harðskapsmálið, hevur eitt annað verið í Havn og eitt í Suðuroy. 

Klokkan fýra fekk løgreglan boð um, at nakrir føroyingar og nakrir útlendingar vóru vorðnir ósamdir við eitt skeinkistaði í Havn, men løgreglan fekk tosað menninar til sættis.

Umleið klokkan hálvgum fýra í morgun ringdi ein maður til løgregluna. Hann greiddi frá, at hann hevði verið uppi at toppast við ein, hann kendi. Hann var ikki fullvísur í, um hann vildi melda, men leitaði sær vegleiðing og fór at taka støðu til tað í dag.

Annars hevur vikuskiftið verið stak friðarligt sambært løgregluni.